UEFA ka pezulluar arbitrat ndërkombëtarë spanjollë për dy ndeshje. As dy javë më parë e as në javën aktuale, arbitrat spanjollë nuk janë parë në Europë, dhe kjo si pasojë e polemikës që u krijua pas rrjedhjes së informacionit se duhej të jepej një penalti për prekjen me dorë të Cucurella-s kundër Gjermanisë në çerekfinalen e Kampionatit Evropian.
Roberto Rosetti, përgjegjës për arbitrat në UEFA, ka kërkuar fajtorët dhe pas hetimeve beson se janë vetë arbitrat ata që shkaktuan gjithë këtë polemikë rreth rregullores së dërguar të gjithë arbitrave lidhur me ngjarjen në Europian.
Nëse më parë kishim thënë se arbitrat spanjollë po humbnin rëndësinë në Europë, tani, me këtë ndryshim të papritur të situatës, kjo duket edhe më shumë. Çështja Negreira ka ndikuar shumë për sa i përket imazhit të arbitrave. Situata të tjera me disa prej arbitrave të elitës gjithashtu nuk kanë ndihmuar. Gjithashtu, momenti i vështirë në federatë mund të ndryshojë për një muaj. Të gjitha këto çuan në prani të vetmuar të Gil Manzano-s në Europian, i cili gjithashtu drejtoi vetëm një ndeshje.
Deri më tani vetëm tre arbitra spanjollë kanë drejtuar ndeshje në Champions League këtë sezon, secili vetëm nga një ndeshje. Më 17 shtator, Alejandro Hernández Hernández drejtoi Juventus – PSV (3-1) dhe Juan Martínez Munuera Bayern i Mynihut – Dinamo i Zagrebit (9-2). Gjithashtu, më 1 tetor, José María Sánchez Martínez drejtoi ndeshjen Borussia Dortmund – Celtic i Glasgoë (7-1).
Nga ana tjetër, Danny Makkelie (Holandë), Michael Oliver (Angli), Irfan Peljto (Bosnjë dhe Hercegovinë) dhe Slavko Vinčić (Slloveni), kanë drejtuar deri në tre ndeshje dhe janë zgjedhur më shumë nga UEFA.