Pas kundër reagimit të Idrizit ndaj videos së Xhafer Tahirit ku pretendon për abuzim dhe keqpërdorim në tenderin për dru, ka reaguar sërish dega e LDK-së në Vushtrri.
Reagim i degës së LDK-së në Vushtrri ka shkuar aq larg saqë pretendon se gjithë nervoza e reagimit të kryetarit të Vushtrrisë vije pas ai u zu me “presh në dorë”.
Sipas tyre nuk është e mundur që Gjakova të paguaj 36m3 ndërsa Vushtrria 82.5.
“Çdo qytetar i Vushtrrisë mund të dalë dhe të verifikojë sa është çmimi i 1 m³ dru në treg. Feriti i ka shitur drutë, sepse nëse bëhet hetim nga Prokuroria, në çdo dokument të këtij tenderi do të gjendet nënshkrimi i Feritit.” thuhet tutje në reagim.
Komunikata e plotë:
Pse gjithë kjo nervozë e mllef në reagimin e Kryetarit Ferit? A thu sepse u zu me “presh në dorë” duke vjedhur me bashkëpunëtorë të tij në tenderin për dru?
Sipas informatave në publik, Komuna e Gjakovës ka paguar 36€/m³ për drutë për shkolla. Ndërsa Komuna e Vushtrrisë ka paguar 82.5€/m³ për drutë në një tender me vlerë 940,500€. A nuk janë të njëjtat shpenzime e taksa edhe në Gjakovë si në Vushtrri?
Çdo qytetar i Vushtrrisë mund të dalë dhe të verifikojë sa është çmimi i 1 m³ dru në treg. Feriti i ka shitur drutë, sepse nëse bëhet hetim nga Prokuroria, në çdo dokument të këtij tenderi do të gjendet nënshkrimi i Feritit.
Është marre Kryetari i Komunës me u fsheh pas mosdijes. Vushtrria nuk e meriton një Kryetar që nuk di dhe që vetë e pranon se nuk di. Kryetari i Komunës është i obliguar me ligj si Zyrtar Kryesor Administrativ dhe Zyrtar Kryesor Financiar të dijë të gjitha punët dhe proceset në Komunë.