Mbrëmë në oret e vona ka ndërruar jetë ish ushtari i Ushtrisë Çlirimtare të Kosovës, Milaz Selimi nga fshati Kuqicë i Komunës së Skenderaj, shkruan rajoni.org.
Milaz Selimi ishte ndër luftëtarët e parë të Ushtrisë Çlirimtare e Kosovës, duke marrë pjesë në shumë beteja të rëndësishme për çlirimin e vendit. Ai nuk u tërhoq asnjëherë përballë rrezikut, sepse për të liria ishte më e shtrenjtë se vetë jeta.
Dhimbja e tij ishte edhe më e madhe, sepse armiku serb i kishte vrarë babën Rizahin dhe axhën Mustafen, plagë që nuk shërohen kurrë, por që e forcuan edhe më shumë në rrugën e tij të qëndresës. Ai vinte nga një familje me tradita të thella patriotike e atdhetare, ku dashuria për vendin trashëgohej brez pas brezi.
Pas luftës, ai vazhdoi të shërbente me nder si pjesëtar i Trupat Mbrojtëse të Kosovës dhe më pas i Forcës së Sigurisë së Kosovës, duke kontribuar në ndërtimin dhe forcimin e institucioneve të sigurisë së vendit.
Lajmin për vdekjen e tij e kanë dhe familjarët në rrjetin social facebook.
Varrimi i Milazit bëhet sot ne ora 16:00, në varrezat e lagjes Selimi ne fshatin Kuqicë.
