E martë, 25 Qershor, 2024

Aksident në Drenicë/ Vetura godet këmbësorin dhe ik nga vendi i ngjarjes

Një aksident trafiku ka ndodhur më herët në Arllat të Drenasit, ku një veturë ka goditur një këmbësor.

Zëdhënësja e Policisë për rajonin e Prishtinës, Flora Ahmeti, ka deklaruar se viktima ka pësuar lëndime të rënda trupore, dhe se i njëjti është dërguar për tretman mjekësor.

Ahmeti ka theksuar gjithashtu se ngasësi i veturës është larguar nga vendi i ngjarjes.

“Rreth orës 18:40, kemi pranuar informatën se në kryqëzimin e rrugëve “Agim Qela” dhe “Hamëz Jashari”, në Arllat, ka ndodhur një aksident trafiku me lëndime.

Në këtë aksident kanë qenë të përfshirë një këmbësor dhe një automjet.

Si pasojë e aksidentit, lëndime të rënda trupore ka pësuar këmbësori dhe është dërguar për tretman mjekësor, ndërkohë që ngasësi i automjetit është larguar nga vendi i ngjarjes” deklaroi Ahmeti për Indeksonline.

Ajo shtoi se zyrtarët nga njësiti i trafikut janë duke punuar në drejtim të identifikimit të ngasësit të automjetit dhe hetimit e rastit.

Të fundit

Shija e redaktorit

- Advertisement -
 
//BODY PART STICKY - Implement into the footer