Hoxha Arbnor Sinani ka bërë të ditur se në Ditën e Bajramit ishte ligjërues në Xhaminë e Madhe në Prishtinë, pas përzgjedhjes nga Bashkësia Islame e Kosovës.
Ai tha se ligjërata u mbajt me temën: “Nga dorëzimi i Ibrahimit a.s. tek njeriu bashkëkohor”, duke përcjellë mesazhe për besimin, përkushtimin dhe lidhjen me Zotin.
Postimi:
Isha i nderuar që, me përzgjedhjen e Bashkësisë Islame të Kosovës, pata mundësinë të jem ligjërues në ditën e Bajramit në Xhaminë e Madhe në Prishtinë, me temën:
“Nga dorëzimi i Ibrahimit a.s. tek njeriu bashkëkohor.”
Nga e gjithë kjo tematikë, porosia e cila nënvizohet është se:
Ibrahimi a.s. nuk e harroi Dhuruesin(Allahun) për shkak të dhuratës (Ismailin a.s).
Prandaj Ibrahimi a.s. triumfoi sepse zemra e tij ishte e lidhur me Krijuesin, duke vendosur atë mbi çdo dëshirë personale, e dashuri tokësore.
Me shëndet e mirësi festofshim gjithmonë!
