Ka ndërruar jetë profesoresha universitare Prof.dr. Edi Shukriu.
Ajo veproi për vite në Departamentin e Historisë, në kuadër të Fakultetit Filozofik, të Universitetit të Prishtinës.
Shukriu ishte një profesoreshë e zellshme që do të lë gjurmë në historinë e shkencës shqiptare.
Për këtë ka reaguar edhe kolegu i saj Bujar Dugolli. Postimi i plotë:
Me pikëllim të thellë e morëm lajmin për ndarjen nga jeta të profesoreshes, shkencëtares dhe veprimtares, Prof. Dr. Edi Shukriu.
Puna e saj në Departamentin e Historisë, në kuadër të Fakultetit Filozofik, të Universitetit të Prishtinës, la gjurmë të pashlyera për breza të tërë studentësh që patën fatin të ishin studentë të saj. Profesoresha Shukriu ishte studiuese e pasionuar e arkeologjisë, duke e bërë emrin e saj të jetë pjesë e pandashme e plejadës së studiuesëve shqiptarë, por edhe më gjerë.
Me ndarjen nga jeta të prof. Edi Shukriu, shkenca shqiptare mbeti pa pedagogen, studiuesen dhe veprimtaren e dalluar, e cili do të mbetet në kujtesë për gjenerata të tëra për vlerat e saja të larta intelektuale.
I përjetshëm kujtimi për të!
