Një rast mjaft i rëndë ka ndodhur së fundmi në një familje në Prizren, ku një burrë dyshohet se ka ushtruar dhunë ndaj bashkëshortes së tij, e cila ishte e shtrirë në Repartin e Gjinekologjisë në Spitalin Rajonal.
Burimet nga spitali kanë bërë me dije për Sinjalin se i dyshuari Q.L., 30-vjeçar e ka sulmuar fizikisht bashkëshorten e tij shtatzënë, pas një mosmarrëveshje momentale. Për të mos mbaruar me kaq, i riu dyshohet se edhe e ka kërcënuar viktimën.
Posa rasti u denoncua, njësitë policore kanë arritur që të arrestojnë të dyshuarin, i cili është shoqëruar në stacion policor për intervistim, ku ka dhënë deklaratën e tij para hetuesve.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe i njëjti do të hetohet nën dyshimet për kryerjen e veprës penale ‘Dhunë në familje’.