Një rast i rëndë ka ndodhur dje rreth orës 15:00 në rrugën ‘Xhemsedin Suma’ në Han të Elezit, ku pas një konflikti verbal mes dy të rinjve, një person dyshohet se ka therur me thikë 20-vjeçarin.
Burimet e Gazetës Sinjali brenda Emergjencës kanë bërë me dije se viktima është dërguar atje me plagë në sy, ball dhe pjesë tjera të trupit e të cilat dyshohet se i janë shkaktuar me anë të goditjeve me mjet të mprehtë.
Pas intervenimit të stafit mjekësor, gjendja shëndetësore e të riut është stabilizuar dhe ai ndodhet jashtë rrezikut për jetë.
Lidhur me rastin është njoftuar edhe Policia e Kosovës, të cilët kanë dalë në vendin e ngjarjes dhe kanë arrestuar të dyshuarin.
- Advertisement -
Me urdhër të prokurorit ndaj 23-vjeçarit kanë nisur hetimet nën dyshimet për kryerjen e veprës penale ‘Lëndim i lehtë trupor’ dhe ai është dërguar në mbajtje.