Një fjalë e urtë popullore thotë: “Si në rrugë ashtu edhe në shtëpi, si në situata të vështira ashtu edhe në ahengje: I menquri e tregon veten”.
Kjo mund të thuhet për kryetarin e Komunës së Dragashit, Bexhet Xhaladinin si një nikoqir i vërtetë, që mban shtëpinë në “razi” e “cicli” sot me tërë përfaqësusit e subjekteve politike të komunës, që ai kryeson kishte vizituar Skënderajn për t’u dalë në ndihmë në këto ditë të vështira pas vërshimeve që kanë goditur këtë rajon javën e kaluar.
Kjo komunë sado e vogël i dha një shembull të mirë se kur është në pyetje humanizmi dhe interesi qytetar subjektet politike bien në rend të dytë.
Kryetari i Komunës së Skënderajt Fadil Nura në çështjen e kësaj fatkeqësie natyrore e ka përjashtuar krejtësisht opozitën duke mos komunikuar me ta fare sikur ata të ndodheshin në një komunë krejt tjetër, shkruan portali Rajoni.org
Asamblisti nga IDEAL-i Abdulla Gashi, i cili me forca të veta ka marrë iniciativë për t’ju ndihmuar të prekurve nga vërshimet, ka theksuar se e para e punës çka ky pushtet do të ishte dashur të bëjë do të ishte të thërras një seancë të jashtëzakonshme; të formojë një shtab emergjent nga të gjitha subjektet politike dhe të vazhdojë punën në tejkalimin e kësaj gjendjeje. “Këtu duhet që edhe komisionet të formohen nga i gjithë spektri politik në asamble, përfshirë këtu edhe OJQ-të. Por, Nura sikur edhe deri më tani është treguar arrogant dhe përjashtues ndaj opozitës. Nuk dihet qëllimi, po sikur të kishte ndodhur formimi i këtillë i komisioneve për vlerësimin e dëmve nga të gjitha taboret politike në Skënderaj e jo veç nga PDK-ja kishin parandaluar dyshime për ndonjë keqpërdorim eventual.”, ka thënë Gashi për portalin “Rajoni”.