E mërkurë, 17 Prill, 2024

Ky është i dyshuari për mashtrim i cili banesën e njëjtë ua shiti dy personave dhe i shleu borxhet .

Burimet e Sinjlit nga Prokuroria kanë bërë me dije se personi që po dyshohet për këtë rast është B.B, 51-vjeçar nga Gjilani , i cili ndodhet nën masën e ndalimit policor, nën dyshimet se ka kryer veprën penale ‘Mashtrimi’.

Gjatë procesit të hetimit, është zbuluar se i njejti e ka shitur dy herë një banesë në rrugën “Idriz Seferi” në Gjilan, duke përfituar shuma të mëdha parash. Fillimisht ai e kishte shitur këtë banesë në vitin 2005 e më pas edhe në vitin 2014. Herën e fundit, siç merr vesh Sinjali, ai ka marrë hiç më pak se 13 mijë euro.

Pas arrestimit, i dyshuari e ka pranuar veprën me të cilën ngarkohet, e të cilën e ka arsyetuar, duke deklaruar se me paratë që ka përfituar ka shlyer disa borxhe që ka pasur.

Pas përfundimit të procedurave, me urdhër të Prokurorit të Shtetit i dyshuari është ndaluar për 48 orë, teksa veprimet tjera do të ndërmerren brenda afatit ligjor.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Të fundit

Shija e redaktorit

- Advertisement -
 
//BODY PART STICKY - Implement into the footer