Në listat që ka publikuar dje komuna Skënderajt, ku pasqyrohen donatorët, që kanë dhënë për të ndihmuar banorët e Skënderajt pas vërshimeve të fundit katastrofale, mungojnë emrat e deputetëve të Parlamentit të Kosovës nga kjo anë.
Gjithashtu nuk figuron as emri i zëvendësit të kryetarit të Komunës së Skënderajt, Sami Lushtakut.
Po mungojnë emrat e deputetëve, të cilëve popullata e këtushme në mënyrë permanente u ka siguruar numër të madh të votave (së paku deri më tani nuk janë duke figuruar në listat e kontributdhënësve).
Këto lista i ka publikuar dje edhe kryetari i komunës, Fadil Nura, i cili për një qëllim të tillë ka dhënë 1000 euro, raporton portali rajoni.org.
Edhe pse nuk ka njoftime deputetët dhe nënkryetari kanë qenë gjithmonë në terren pas vërshimeve. /rajoni.org/