Mediat prestigjioze ndërkombëtare i kanë dhënë jehonë deklaratës së përbashkët të pesë shteteve të QUINT-it të cilët kanë kërkuar nga Qeveria e Kosovës “të pezullojnë” përkohësisht deri në një kohë mjaftueshëm të arsyeshme për ndalimin e dinarit serb në bazë të rregullores së re të Bankës Qendrore të Kosovës.
Prej “Reuters, “Barrons”, e “Radio Free Europe”, kanë shkruar në atë se pesë fuqitë më të mëdha perëndimore i kanë bërë thirrje qeverisë së Albin Kurtit të shtyjnë vendimin që ata konsiderojnë se “do të ketë pasoja” te komuniteti serb,
“Pesë vende perëndimore, duke përfshirë Shtetet e Bashkuara, i kanë kërkuar Prishtinës që të shtyjë një vendim të Bankës Qendrore të Kosovës për të kufizuar të gjitha transaksionet me para të gatshme kudo në vend në euro nga 1 shkurti. Në një deklaratë, vendet, duke përfshirë Francën, Gjermaninë, Italinë, dhe Britania tha se pezullimi i vendimit duhet të bëhet për të ‘lejuar një periudhë të mjaftueshme tranzicioni dhe për komunikim të qartë dhe efektiv publik’. Për dy dekada, të inkurajuar nga Beogradi dhe të injoruar me ngurrim nga Prishtina, banorët e 10 komunave me etnitet të madh serb janë kapur pas monedhës serbe”, shkruan RFE.
I dërguari i Bashkimit Evropian për dialogun ndërmjet Kosovës dhe Serbisë, Miroslav Lajçak sot do të shkojë në Beograd, ndërsa një takim me presidentin serb, Aleksandar Vuçiq është paralajmëruar për në drekë.
Lajçak do të takohet me Vuçiqin sot në ora 12:30.
Presidenca serbe nuk konfirmoi se do të ketë një konferencë të përbashkët, por tha se pas takimit do të dërgohet një komunikatë për media.
Gjithashtu nuk janë bërë të ditura temat që do të diskutohen, ashtu si arsyeja e vizitës.
Por takimi mbahet pak ditë para se të hyjë në fuqi rregullorja e re e Bankës Qendrore të Kosovës për përjashtimin e dinarit serb si valutë e përdorshme për transaksione në vend.
Komuniteti ndërkombëtar është shprehur i shqetësuar për këtë vendim, duke i kërkuar Kosovës konsultim me komunitetet. Dje, QUINT-i kërkoi pezullimin e këtij vendimi.
Ndërsa të martën Lajça, do të vizitojë Prishtinën, konfirmohet nga burimet mirë të informuara në Bruksel.
Lajçak pritet të takohet me përfaqësuesit e institucioneve vendore, ndonëse akoma nuk ka konfirmim nëse do mbahet një takim në mes të tij dhe kryeministrit të Kosovës, Albin Kurtit, ka raportuar RTK.
Ndërkohë, bëhet e ditur se tashmë është konfirmuar mbajtja e takimit me zëvendëskryeministrin njëkohësisht kryenegociatorin e Kosovës, Besnik Bislimin.
Është kjo vizita e parë e të dërguarit të veçantë për dialog në këtë vit. Kjo vizitë, gjithashtu, po zhvillohet në periudhën kur procesi i dialogut është duke vegjetuar.
Pas 14 shtatorit nuk ka pasur më takime ne nivelin më të lartë politik në kuadër të dialogut. Ishte ky takim I cili njëkohësisht shfaqi tensionet mes kryeministrit të Kosovës dhe vet Lajçakut, të cilin ky i pari e akuzoi se e ka humbur neutralitetin.
Vizitat që do t’i bëjë Mirosllav Lajçak, si në Prishtinë, ashtu edhe në Beograd, do të jetë rast që sërish të kërkohet nga palët që të zbatojnë të gjitha pikat e marrëveshjes për rrugën drejt normalizimit të marrëdhënieve përfshirë edhe aneksin e saj.