Sot, pas një sëmundje të rëndë, ka ndërruar jetë, veterani i UÇK-së nga Drenasi, Ilaz Lladrovci.
Lajmin për vdekjen e tij e ka dhënë kushëriri dhe njëherit kryetari i Komunës së Drenasit, Ramiz Lladrovci.
Ilazi me profesion ishte inxhinier, i cili ka punuar me përkushtim në arsim dhe angazhime të ndryshme profesionale, duke qenë i fjalës, i sinqertë, punëtor e atdhetar i vendosur.
Ai ishte aktiv me veprimtari antijugosllave nga rinia e hershme, për ta kurorëzuar veprimtarinë atdhetare me uniformën e UÇK-së. Gjithmonë do ta nderojmë kujtimin për Ilazin, për kohën kur më së shumti i duhej atdheut, u rreshtua në Ushtrinë Çlirimtare të Kosovës.
Pas çlirimit, iu kthye punës së tij, për të qenë shembull i profesionit, modestisë dhe angazhimit qytetar.
