Ish-ylli i Barcelonës, Rivaldo ka këshilluar Barcelonën lidhur me polemikat me lojtarin brazilian, Vitor Roque.
André Cury, agjenti i Vitor Roque, paralajmëroi Barcelonën se klienti i tij nuk do të pranonte një huazim dhe se sezonin e ardhshëm ose do të luante ose do të largohej.
“Unë mendoj se Barcelona nuk ka ditur t’i japë më shumë mundësi Vitor Roque. Ai është futbollist i mirë dhe ka të ardhme. Roque do të jetë i dobishëm për klubin sapo të ketë mundësinë që të tregoi vlerat e tij. Ne e dimë se çfarë bëri në Athletico Paranaense dhe kampionatin brazilian ku luajti” ka thënë Rivaldo.