E mërkurë, 17 Korrik, 2024

Rreziku nga zjarret, Komuna e Prishtinës apel qytetarëve: Mos hidhni mbeturina dhe cigare

Komuna e Prishtinës, u ka bërë thirrje qytetarëve që të mos hedhin mbeturina, cigare të ndezura, shishe të qelqit dhe të plastikës, sepse mund të jenë burim i zjarrit.

Kjo kërkesë drejtuar qytetarëve ka ardhur si rezultat i parashikimeve meteorologjike dhe temperaturave të larta.

Ndër të tjera në njoftimin e Komunës thuhet që banorët të kenë kujdes në hedhjen e mbeturinave, cigareve apo shisheve të qelqit, me qëllim të parandalimit të rrezikut nga zjarret.

“Sipas parashikimeve meteorologjike dhe si rezultat i temperaturave të larta që po mbizotërojnë në vendin tonë ju apelojmë të keni kujdes të shtuar me qëllim të parandalimit të rrezikut nga zjarret dhe mbrojtjen e jetës së qytetarëve, të pronave, kafshëve dhe ambientit”, thuhet në njoftim.

Tutje thuhet se edhe zjarrëveniet e qëllimta dhe ato të shkaktuara nga pakujdesia janë vepër penale të cilat sanksionohen me ligj.

Të fundit

Shija e redaktorit

- Advertisement -
 
//BODY PART STICKY - Implement into the footer