Stomatologu nga Prizreni, Arben Kiseri, para dy ditësh u gjet i vdekur në ordinancën e tij, ku dyshohet se bëri vetëvrasje, për motive akoma të panjohura. Vdekja tragjike e tij ka tronditur familjarët e miqtë, ndërkohë që Policia tashmë ka nisur hetimet, raporton Gazeta Sinjali.
Trupi i pajetë është dërguar ditën kritike në IML për obduksion dhe më pas i është kthyer familjes për ceremoninë mortore.
Familja Kiseri ka njoftuar se lamtumira e fundit do t’i jepet sot, në ora 14:00, në Prizren.
Ndryshe, të mërkurën rastin e konfirmoi edhe Policia Rajonale në Prizren.
“Sot me datë 17.01.2025, rreth orës 10.37 është pranuar informata se në ordinancën dentare ,, Kiseri dent” e cila gjendet në sheshin Shatërvan, në Prizren, është gjet një person për të cilin dyshohet se ka kryer vetvrasje me varje.
Nga mjekët e emergjencës është konstatuar vdekja e viktimës.
Patrulla policore ka bërë sigurimin e vendit ngjarjes, në vendngjarje kanë dalë hetuesit dhe hetuesit e vendit të ngjarjes (forenzika) nga Sektori Rajonal i Hetimeve”.