Përfaqësuesja e Kosovës do të paraqitet pa kapitenin Amir Rrahmani në ndeshjet e muajit nëntor për kualifkueset e Kampionatit Evropian.
Përzgjedhësi Primoz Gliha ka publikuar listën e futbollistëve të grumbulluar dy ditë para ndeshjes ndaj Izraelit.
Në listën e grumbulluar, Gliha ka përzgjedhur pesë futbollistë nga Superliga e Kosovës, ndërkaq vërehet mungesa e kapitenit Amir Rrahmani.
Kapiteni Rrahmani ka zgjedhur të luaj për Napolin të dielën ndaj Empolit, ndërsa nuk dihet nëse do të bashkohet me Kosovën për ndeshjet ndaj Zvicrës e Bjellorusisë.
Për herë të parë te Kosova është grumbulluar Alban Ajdini.