E mërkurë, 24 Korrik, 2024

Dy të arrestuarit për fajde në Gjilan e detyruan viktimën ta shesë kompaninë, i morën 600 mijë euro

Policia e Kosovës ka dhënë detaje rreth arrestimit të dy të dyshuarve për fajde në Gjilan.

Përmes raportit 24 orësh,Policia e Kosovës ka njoftuar se gjatë hetimit janë gjetur prova se të dyshuarit kanë kryer veprat penale të “fajdes” dhe “detyrimit”.

Të njëjtit, dyshohet se kanë marrë mbi 600 mijë euro nga viktima, si dhe e kanë detyruar që ta mbyllë dhe ta shesë kompaninë e tij..

Gjatë operacionit, janë gjetur tri vetura, motorë sportivë, armë e municion, kartëmonedha e të tjera.

“Gjilan, 2023/2024. Drejtoria për Hetimin e Krimit të Organizuar dhe Krimeve të Rënda pas ndërmarrjes se veprimeve hetimore në bashkëpunim me Prokurorinë Speciale të Republikës se Kosovës, më 21.06.2024 ka filluar realizimin e operacionit policor për arrestimin e personave të dyshuar të përfshirë në veprat penale ‘Fajde’ dhe ‘Detyrim’. Gjatë hetimit të këtij rasti janë gjetura prova, se të dyshuarit kanë kryer veprat penale të ‘fajdesë’ dhe ‘detyrimit’ për të cilat janë hetuar. Të dyshuarit në këtë rast në vazhdimësi kanë ushtruar presion dhe kërcënime ndaj viktimës me qellim të marrjes se interesit nga veprimtaria e fajdesë duke e detyruar të njëjtën të veprojë në dëm të pasurisë se tij dhe si rezultat i veprimeve të kundërligjshme të dyshuarit i kanë shkaktuar dëme materiale viktimës në vlerën mbi 600.000 euro, duke e detyruar viktimën që ta mbyllë dhe ta shes kompaninë e tij. Gjatë këtij operacioni janë arrestuar 2 të dyshuar meshkuj kosovarë, ndërsa lidhur me rastin janë sekuestruar tri vetura, motorë sportiv, armë dhe municion, kartëmonedha euro, dokumente të ndryshme si dhe dëshmi tjera materiale të cilat do të përdoren në procedurën penale ndaj të dyshuarve. Me vendim të prokurorit, të dyshuarit janë dërguar në mbajtje.” – thuhet në raport.

Të fundit

Shija e redaktorit

- Advertisement -
 
//BODY PART STICKY - Implement into the footer