Në Skenderaj është shënuar sot 100-vjetori i shkollës “Shaban Jashari”, në një atmosferë festive me mësimdhënës, nxënës dhe qytetarë të shumtë.
Drejtori Komunal i Arsimit, Kastriot Duraku, tha se kjo ishte një ditë me shumë emocione dhe krenari për arsimin në Skenderaj.
Ai tha se pjesëmarrja e Rifat Jashari e bëri këtë festë edhe më të veçantë, duke kujtuar rëndësinë e shkollës, dijes dhe dashurisë për vendin.
Postimi:
Sot, teksa shënuam 100-vjetorin e shkollës “Shaban Jashari”, përjetuam një ditë të mbushur me krenari, emocion dhe respekt për historinë e arsimit tonë dhe sakrificën kombëtare.
Prezenca e Bacës Rifat Jashari i dha kësaj feste një madhështi të veçantë, duke na lartësuar vlerat e qëndresës, arsimimit dhe dashurisë ndaj atdheut.
Gëzuar jubileu të gjithë mësimdhënësve, nxënësve, stafit drejtues dhe gjeneratave që për 100 vite me radhë e mbajtën ndezur këtë vatër të dijes dhe krenarisë!
