E premte, 29 Mars, 2024

Këta janë dy të dyshuarit për trafikim dhe keqpërdorim seksual ndaj të miturës

Një vajzë e mitur nga Vitia dyshohet se është trafikuar dhe është shfrytëzuar seksualisht nga persona të ndryshëm që nga muaji qershor i vitit të kaluar.

Lidhur me rastin janë arrestuar dy persona dhe të njëjtit janë në ndalim policor.Të dyshuarit janë Festim Shabiu 20-vjeçar dhe Fatmir Rexhepi 35-vjeçar, thotë Sinjali.Shabiu dyshohet se që nga muaji qershor i vitit të shkuar, ka detyruar të miturën që të kryejë marrëdhënie seksuale në motele në këmbim të parave.

E kontrollin mbi viktimën ai e ushtronte përmes kanosjes e shantazhit në forma të ndryshme, ndërkohë që pagesën në këmbim të shërbimeve seksuale i ka marrë për vete.

Ndërkohë Rexhepi është arrestuar, pasi dyshohet se ka shfrytëzuar seksualisht të miturën.Pas përfundimit të procedurave policore, Prokurori i Shtetit ka nxjerrë aktvendim që të dyshuarve t’u caktohet masa e ndalimit policor. 20-vjeçari do të hetohet për veprën penale ‘Trafikim me njerëz’, ndërsa 35-vjeçari për ‘Shërbime seksuale të viktimës së trafikimit’.

Të fundit

Shija e redaktorit

- Advertisement -
 
//BODY PART STICKY - Implement into the footer