Notari nga Prekazi i Skenderajt, Bledion Meha ka përfaqësuar Kosovën në garën ndërkombëtare të notit “Golden Orlando 2026”, që u mbajt në Dubrovnik, duke arritur një sukses të jashtëzakonshëm me plot katër medalje të fituara, duke korrur kështu 555 pikë.
Bledioni konsiderohet ndër notarët e parë nga Skenderaj që po e përfaqëson Kosovën në gara ndërkombëtare të notit, duke e ngritur lart emrin e vendit dhe sportit.
Sipas Kn Dielli, Meha arriti vendin e dytë në 100m Delfin, vendin e tretë në 200m Delfin , po ashtu vendin e tretë në kategorinë 50m Delfin, ndërsa në kategorinë 200m Mix, i riu po ashtu zuri vendin e tretë.
