E hënë, 20 Maj, 2024

Të shtëna me armë në Drenas, plumbat godasin gomat e një kamioni që ishte në lëvizje

Gjuajtjet me armë zjarri janë bërë të shpeshta në vendin tonë, duke cenuar kështu sigurinë e qytetarëve të cilët ka rast kur mund t’u rrezikohet jeta si pasojë e plumbave qorr.

Të shtëna me armë zjarri janë dëgjuar së fundi edhe në fshatin Korroticë e Epërme në Drenas, ku plumbat kanë goditur gomat e një kamioni i cili po lëvizte në drejtim të Fushë Kosovës.

Sinjali mëson se shoferi i kamionit ka deklaruar në Polici se ka dëgjuar krismat e armëve, mirëpo nuk e ka ditur se bëhet fjalë për të shtëna, duke bërë kështu që të vazhdojë rrugën e tij.

Mirëpo për atë se çfarë ka ndodhur, u njoftua pasi dërgoi gomat për riparim, e ku u vërejt se dëmet janë shkaktuar nga plumbat si dhe brenda njërës gomë është gjetur një predhë plumbi.

Momentalisht nuk dihen personat e dyshuar që kanë shkrepur armën, mirëpo janë marrë veprimet ligjore që të zbardhen rrethanat në të cilat ka ndodhur rasti.

Me urdhër të prokurorit, rasti është cilësuar ‘Përdorim i armës’, teksa veprimet tjera ligjore do merren varësisht nga zhvillimi i hetimeve.

Të fundit

Shija e redaktorit

- Advertisement -
 
//BODY PART STICKY - Implement into the footer