E hënë, 27 Maj, 2024

Zbulohet identiteti i burrit që e rrahu deri ia humbi vetëdijen shoqen e tij, u kapën mes vete pas një zënke

Sinjali ka mësuar identitetin e të dyshuarit që e rrqhu shoqen e tij deri ia humbi vetëdijen. Ai tashmë ndodhet nën masën e ndalimit policor dhe sipas burimeve nga Prokuroria bëhet fjalë për Gëzim Bashotën, 40-vjeçar.

Cilat janë detajet e rastit?

Burimet nga Emergjenca kanë bërë me dije se vajza është pranuar në këtë qendër me lëndime të rënda dhe në gjendje jo të mirë, si pasojë e goditjeve që ka pësuar nga i dyshuari G.B., 40-vjeçar. Ky i fundit po dyshohet se fillimisht e kishte nxjerrë nga vetura, e më pas e ka grushtuar e shqelmuar derisa viktima është alivanosur.

Ky rast i tmerrshëm ka ndodhur pas orës 04:00 të mëngjesit, derisa dy palët ndodheshin në të njëjtën veturë dhe patën një zënkë mes tyre, që eskaloi në dhunë brutale. Siç mëson Sinjali, pasi i dyshuari e kishte rrahur keq 27-vjeçaren, ishte larguar nga vendi i ngjarjes, por përkundër tentativave, nuk arriti t’iu shpëtojë prangave të Policisë.

Viktima u dërgua në spital për trajtim mjekësor, kurse Policia iu vu në ndjekje të dyshuarit, të cilin e kapi pas një periudhe të shkurtër, me ç’rast u kuptua se i njëjti ishte nën ndikimin e alkoolit. Burimet thonë se ndaj tij, Prokurori i Shtetit ka urdhëruar masën e ndalimit policor për veprën penale “Lëndim i rëndë trupor.

*foto ilustrim*

Të fundit

Shija e redaktorit

- Advertisement -
 
//BODY PART STICKY - Implement into the footer