Nacionale dje raportoi për punësimin e asamblistit të Vetëvendosjes nga Malisheva, Veton Zogaj, në pozitën e shefit të Shërbimit për Burime Njerëzore në ndërmarrjen publike Ibër-Lepenc.
Zogaj është dhëndrri i Adnan Rrustemit, deputetit të njohur të VV-së.
Ky i fundit, pra Rrustemi, në disa raste kishte pasur deklaratë të forta kundër nepotizmit. Madje, në T7 kishte deklaruar se e ka lutur motrën e tij të mos aplikonte në konkurse publike.
“Nuk ka nepotizëm në qeverinë e VV-së në asnjë rast, po e them sinqerisht. Nuk kam asnjë familjar që aplikon në konkurse publike. Ju lutna që të mos aplikojnë në këto konkurse. E kam një motër me dy mastera dhe i lutem që të mos aplikoj në konkurse publike. Si fenomen nuk e pranoj. Nuk ka në Kosovë raste të nepotizmit që dy vite qeverisje” – shtoi Rrustemi.