Policia e Kosovës ka njoftuar se ka arritur që ta identifikoj personin e dyshuar lidhur me rastin vrasje e rëndë në tentativë që ka ndodhur më 10 mars në fshatin Baincë të Drenasit, shkruan portali rajoni.org.
Sipas njoftimit nga Policia, kërkimet e vazhdueshme për arrestimin e tij nga ana e policisë dhe ftesat për paraqitje, kanë bërë që personi i dyshuar L. Zariqi, mashkull 19 vjeç, mbrëmë të paraqitet në polici.
“Pas intervistimit në prezencë të avokatit mbrojtës, personi i dyshuar me vendim të prokurorit të shtetit është dërguar në mbajtje”, thuhet në njoftimin e PK-së./Rajoni.org/