Si pësojë e komplikimeve pas një operimi në QKUK, ka humbur jetën profesoresha dhe instrumentarja vushtrriase Ylfete Rama Pllana.
E ndjera ushtronte profesionin si profesoreshë në kolegjin Rezonanca në Prishtinë, si dhe punonte në spitalin e Vushtrrisë si instrumentare.
Kolegji Rezonanca përmes një postimi në facebook ka shprehur ngushëllime familjes Rama-Pllana, po ashtu edhe Shoqata e Instrumentarëve të Kosovës dhe e ka vlerësuar lart personalitetin e të ndjerës.
“Sa vështirë të shkruajmë për humbjen tënde, ike në moshën më të mirë kur për ty kishin më së shumti nevojë familja, shoqëria dhe mbarë komuniteti. Një profesioniste dhe një mësimdhënëse e shkëlqyer, një kolege dhe shoqe e pazëvendësueshme nuk mund të të kujtojmë ndryshe! U prefsh në paqe! Ngushllime familjes dhe shoqërisë”, thuhet në telegramin e ngushëllimit.
Varrimi bëhet sot me namazin e drekës në varrezat në Begaj të Vushtrrisë.