Kreu i Lidhja Demokratike e Kosovës, Lumir Abdixhiku, ka deklaruar se kostoja e lojës politike me fatin e Kosova është shumë e lartë, duke kundërshtuar përfshirjen në atë që ai e quajti “skenar politik”.
Në një konferencë për media, pak para nisjes së seancës për zgjedhjen e presidentit, Abdixhiku u shpreh se partia e tij nuk do të bëhet pjesë e proceseve që, sipas tij, nuk janë në interes të vendit.
“Konsiderojmë që është kosto shumë e madhe që me fatin e Republikës të luhet kaq shtrenjtë dhe kaq shpesh të shkohet në zgjedhje. Këta janë të njohur me sjellje dhe nuk duhet të jemi pjesë e një skenari politik,” tha ai.
Ai shtoi se nënshkrimet nuk do t’i dorëzohen Lëvizja Vetëvendosje, duke theksuar se kjo parti nuk është institucioni përkatës për një proces të tillë.
“Nënshkrimet nuk dorëzohen te VV-ja, sepse VV-ja nuk është subjekt ku duhet t’i dorëzosh nënshkrimet. Po të ishte KQZ, do t’i kishim dorëzuar,” deklaroi Abdixhiku.
