Petrit Hajdari ka njoftuar dorëheqjen nga pozita e kryetarit të Degës së PDK-së në Drenas, duke theksuar se vendimi është marrë me këresë të kryetarit të PDK-së, Bedri Hamza.
Ai ka deklaruar se po largohet nga kjo pozitë për të mos u bërë pengesë e proceseve politike dhe se kontributin do ta vazhdojë në kryesinë qendrore të partisë.
Hajdari ka vlerësuar rezultatin e Degës së PDK-së në Drenas në zgjedhjet e fundit, ku sipas tij janë siguruar mbi 18 mijë vota, duke e cilësuar degën si më të fuqishmen në nivel vendi. Ai po ashtu ka falënderuar qytetarët, strukturat e partisë dhe bashkëpunëtorët për mbështetjen dhe angazhimin.
