Të fundit:

Plas sherri mes çiftit në Obiliq, 64-vjeçari e akuzon gruan se “po shkon me kojshi”

Evidentimi ditor i rasteve të reja të dhunës në...

Pamje ekskluzive nga rrahja në mes të kryeshefit të ujësjellësit dhe komshiut të tij, e pësoi edhe gruaja e Krasniqit (VIDEO)

Kryeshefi i Kompanisë Rajonale të Ujësjellësit “Gjakova”, Hasan Krasniqi,...
- Advertisement -

Rrahje në “Prishtina Mall”: Shefi i një lokali dhe vëllai i tij dyshohen se sulmuan punëtorin që ua kërkoi rrogën

- Advertisement -

Mosmarrëveshjet mes punëdhënësve dhe punëtorëve janë goxha të shpeshta në vendin tonë dhe motivet jo rrallëherë dalin të jenë për shkak të pagave. Konfliktet e tilla verbale përfundojnë edhe në përleshje, për çka të dyshuarit futën në telashe. Kështu dyshohet se ka ndodhur edhe gjatë ditës së djeshme në objektin e qendrës tregtare që pritet të hapet edhe pak ditë, Prishtina Mall, në magjistralen Prishtinë – Ferizaj, raporton Gazeta Sinjali.

Burimet nga Prokuroria kanë bërë me dije se dy vëllezër kanë rënë në prangat e Policisë, njëri prej të cilëve punëdhënës, nën dyshimin se  kanë sulmuar fizikisht një punëtor 26-vjeçar, teksa po punonin në një lokal.

Sinjali mëson se incidenti ka ndodhur paradite, ku intervenoi edhe Policia, me ç’rast viktima u dërgua në Qendrën Klinike Universitare për trajtim mjekësor, kurse dy të dyshuarit janë shoqëruar në stacion policor për intervistim.

- Advertisement -

Bazuar në dëshminë e viktimës, të dhënë para hetuesve policorë, shefi i tij A.H., bashkë me vëllain e tij, Xh.H., e kanë rrahur me grushte dhe çekan, pas një mosmarrëveshje që kanë pasur për pagesën  për punët e kryera. Punëtori po pretendon se u sulmua nga shefi pasi ia kërkoi pagën e tij, gjë që i kushtoi me sulm, duke pësuar kështu lëndime trupore.

Përveç tyre, edhe të dyshuarit janë intervistuar për veprën për të cilën dyshohen dhe kanë dhënë versionet e tyre se si ndodhi ngjarja.

Pas përfundimit të procedurave policore, Prokurori i Shtetit ka urdhëruar ndalimin e dy vëllezërve të dyshuar dhe inicimin e rastit ndaj tyre për veprën penale “Lëndim i lehtë trupor”.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

- Advertisement -

Të fundit

- Advertisement -

Lajme të lidhura

- Advertisement -