E mërkurë, 17 Korrik, 2024

“Sigurimiiii, i hekni prej sallës Zybën dhe Shalën”- Nervozohet Bogujevci, thërret sigurimin pas tensioneve në Kuvend

Derisa shefes së Grupit Parlamentar të VV-së, Mimoza Kusari Lila iu dha fjala për të folur në Kuvend për raportin e DASh-it, deputeti i PDK-së Ferat Shala ia bllokoi foltoren.

Pas kësaj, nënkryetarja Saranda Bogujevci ka kërkuar ndërhyrjen e sigurimit për të larguar largojë nga seanca deputetin e LVV-së, Salih Zyba, dhe deputetin e PDK-së, Ferat Shala.

Kjo erdhi pasi ajo u kërkoi atyre që të mos e pengojnë shefen e Grupit Parlamentar të LVV-së, Mimoza Kusari-Lila, të deklarohet në seancë.

Shala u ngrit për të t’ia ndalë mikrofonin Kusari-Lilës për shkak se sipas tij, Bogujevci ia ka dhënë fjalën jashtë rendit të ditës.

“E thërras sigurimin, sigurimin tani në sallë dhe i largon deputetët që i përmenda me emër. E kam të pamundur në secilën seancë burrat ngriten në këmbë e më tregojnë mua se si të interpretojë rregulloren, mjaft më”, ka thënë Bogujevci.

Pas thirrjes së Bogujevcit, deputetët u larguan vet dhe nuk pati nevojë të ndërhyjë sigurimi.

Të fundit

Shija e redaktorit

- Advertisement -
 
//BODY PART STICKY - Implement into the footer