Sot do të mësohen dy gjysmëfinalistët e parë të Champions League, garës më prestigjoze evropiane në nivel të klubeve.
Dy duelet që do të zhvillohen të martën mbrëma, Borussia Dortmund-Atletico Madrid dhe Barcelona-Paris-Saint-Germain do të japin dy klubet që më pas do të luftojnë për një biletë në finalen e madhe të kësaj gare.
Ndeshjet do të fillojnë në orën 21:00.
Në ndeshjen e parë, Dortmundi pësoi disfatë nga Atletico me rezultatin 2-1 në Spanjë, duke lënë kështu gjithçka të hapur për ndeshjen e sotme që zhvillohet në Gjermani.
Sfidë tepër e zjarrtë pritet të jetë ajo që zhvillohet në ‘Camp Nou’, me Barcelona dhe PSG që do të përplasin “brirët”.
Pesë gola u shënuan në ndeshjen e parë, me fitoren që i takoi katalanasve me rezultatin 3-2.