Rajoni dje raportoj së klubi i futbollit Drenica po përjeton një periudhë të vështirë pas dorëheqjes së presidentit Ilir Veliqi disa ditë më parë. Që nga largimi i tij, Drenicasit nuk kanë gjetur ende stabilitetin.
Përkundër strukturave të reja udhëqese të zgjedhura në klub, në ndeshjen e fundit, Drenica u mposht në shtëpi me rezultat 2-0 nga Trepça ’89. Përveç humbjes, skuadra po tregon edhe lojëra të dobëta, gjë që ka shtuar shqetësimet në kampin e kuqezinjve.
E pas disa lëvizjeve të brendshme, ndrrimin e trajnerit, strukturat e reja të klubit nga Skenderaj kanë dalur me një komunikatë për ti qetësuar tifozet e klubit duke i siguruar së çdo vendim dhe veprim në klub do të jetë dhe është në interes të skuadrës dhe tifozëve të saj.
Ata po ashtu në komunikatë kanë së një nga pikat më të forta të FC Drenicës ka qenë dhe mbetet uniteti.
“ Kryesia e klubit është e përkushtuar maksimalisht për ta çuar Drenicën përpara, duke u siguruar që çdo vendim dhe veprim të jenë në interes të skuadrës dhe tifozëve të saj. Një nga pikat më të forta të FC Drenicës ka qenë dhe mbetet uniteti. Ky klub ka treguar se vetëm duke qenë të bashkuar mund të arrihen sukseset. Kryesia, lojtarët, stafi teknik dhe tifozët janë një trup i vetëm, i lidhur nga dashuria për ngjyrat e klubit dhe dëshira për ta parë atë në maja e elitës së futbollit kosovar. Me një vizion të qartë dhe një strategji të mirëorganizuar, FC Drenica synon dhe është maksimalisht e angazhuar të arrihen objektivat e synuara këtë vit. Drenica ka qenë dhe do të mbetet një emër që simbolizon forcën, pasionin dhe krenarinë e qytetit të Skenderajt”, thuhet në komunikatën e Drenicës të lëshuar në facebook.
Mirëpo menjherë me një koment ka reaguar kryetari i Komunës së Skenderajt, Fadil Nura, duke i pyetur psë në komunikat mungon fjala përgjegjësi dhe llogaridhënjë.
“Dituri”, “Perkushtim”, “unitet”, “dashuri”, “ngjyra”, “dashuri”, “angazhin”, “forcë”, “pasion”, “krenari”…..etj?! Mungon… “Pergjegjesi” dhe “llogaridhënje”, ka komentuar Nura në facebook.
